الخصوصية

لما تسأل من غير اسمك، اللي بيجاوب مش بيعرف إنه منك، ولا أي حد بيشوف السؤال.

بس asky بيحتفظ بمين بعت السؤال، عشان يقدر يوقف التهديد والتنمر. والمعلومة دي مش بتظهر غير لفريق الثقة والأمان، وبشروط:

• من بلاغ أو تحقيق مفتوح بس، ومعاه سبب مكتوب ورقم الحالة.
• بعد تأكيد بخطوتين، وبصلاحية مؤقتة لنفس الحالة.
• كل مرة بتتسجل: مين شاف، وإمتى، وليه.
• وأحياناً الفريق بيبلّغك إنه راجع، من غير ما يذكر السؤال.

ومع كل سؤال، من عضو أو من زائر من غير حساب، asky بيحتفظ بعنوان الـ IP ونوع الجهاز والمتصفح ولغته والبلد، لنفس السبب وبنفس الشروط.

والسجل ده بيتراجع كل شهر.

لو دخلت بفيسبوك، asky بياخد بس:

• اسمك وإيميلك، عشان نعملك الحساب.
• صورة البروفايل، بس لو لسه معندكش صورة هنا. وبتتراجع زي أي صورة بترفعها.
• مين من صحابك على فيسبوك بيستخدم asky، عشان نقترحهم عليك ونقولهم إنك اشتركت. الصحاب اللي مش على asky عمرهم ما بيتخزنوا.
• مفتاح الدخول بتاع فيسبوك بيتحفظ متشفّر ساعة بالكتير، وبيتمسح أول ما نقرا صحابك.

عشان تشيل ده، افصل فيسبوك من الحسابات المربوطة، أو شيل asky من "التطبيقات والمواقع" في إعدادات فيسبوك. في الحالتين لستة الصحاب بتتمسح على طول. وصورتك بتفضل لحد ما تغيرها.

الحسابات المربوطة